+ 
Dulanda Kongreso okazos 11an - 14an de Julio 2025 en Toronto! Vidu 
Marto, 2025
Bonvenon al “Lumeto”, ĉiumonata novaĵletero por memorigi vin, kiel membron de la Kanada Esperanto-Asocio (KEA), pri la diversaj eventoj kaj okazaĵoj en la kanada Esperanto-movado. Koran dankon al la kunlaborintoj.
Toronto 2025 Dulanda Kongreso kaj NASK: aliĝu!
Grava anonco: la unua aliĝperiodo plilonge daŭras!
Anstataŭ finiĝi kun februaro, la unua aliĝperiodo (la plej malmultekosta) nun daŭras ĝis la fino de marto. La organizantoj rekonis, ke la retejo ne donis sufiĉe fruan kaj riĉan informon pri la detaloj. Nun venas pliaj detaloj, ekz. pri loĝado, kaj vi havas plian monaton por fari viajn planojn antaŭ ol, komence de aprilo, la prezoj sufiĉe multe grandiĝos. Vidu toronto2025.net/.
Monhelpo ankoraŭ haveblas al KEA-anoj
Kiel vi jam scias, KEA ofertas kelkajn stipendiojn al KEA-anoj kiuj bezonas monhelpon por ĉeesti la Dulandan Kongreson kaj NASK en Toronto. Kvankam KEA decidis pri limdato de fino de marto por akcepti petojn, kaj ni volas kiel eble plej malavare kaj helpeme donaci, tamen la nia (t.e. via) mono ne estas senlima, kaj ni ne povas promesi monhelpon al ĉiuj petantoj. Evidente ni preferas doni stipendiojn al junuloj kiuj frue petas ilin. Ĝis nun la petoj malmultas.
Se vi bezonas stipendion por helpi al vi partopreni en Toronto, bonvolu kontakti al KEA kun viaj bezonoj kaj planoj. Ni faros nian eblon por helpi vin, kaj poste vi raportos al ni pri viaj spertoj.
Infana Programo dum la Dulanda Kongreso
Vojaĝu al la DK2025 kun la infanoj! Okazos Infana kaj Adoleska Programo dum la Kongreso en tut-esperanta medio. Iom da Esperanto-instruado okazos, tamen estos amuza agad-programo (ne instruada-programo), kaj estus pli bone, ke infanoj jam parolus iom da Esperanto por partopreni. Kontaktu kunordiganton Parker Glynn-Adey parker.glynn.adey@utoronto.ca por aliĝi.
Bezonata: por la Infana Programo
Ĉu vi estas proksime de Toronto kaj havas iun el ĉi tiuj aĵoj, kiujn la Infana Programo povas prunti dum 3-4 tagoj? BV kontakti Parker Glynn-Adey parker.glynn.adey@utoronto.ca
- Infan-Mebloj: kusenoj aŭ infanaj seĝoj por sidado, tableto por infanoj.
- Ludilojn: pilkojn, modela argilo aŭ Play-Doh, diversaj ludkostumoj
- Artajn-provizojn: desegniloj, farbo, papero, tondiloj, gluobastonoj, glubendo, bidoj, ŝnureto por plekti brakĉenojn.
- Ekskurs-provizojn: bandaĝoj, antisepsaj viŝtukoj, First Aid ilaro.
- Instrumaterialon: blanka tabulo aŭ pli-taŭge skribtabulo kiu tenus paperon, LCD-projekciilo.
Bezonata: Helpanto por la Infana Adoleska Programo
Programa Kunordiganto Parker Glynn-Adey bezonas 2 esperantistojn por helpi gvidi, instrui, kaj prizorgi infanojn dum la Toronto2025 Infana Adoleska Programo. Se vi kapablas kaj volas helpi lin, bonvolu kontakti lin ĉe
EO Klub-Renkontiĝoj tra Kanado 2025 – ĉeestu!
Nia komunumo estas vigla tra la lando. Partoprenu! Ĉeestu renkontiĝon en via urbo. Se ne eblas, multaj monataj eventoj okazas virtuale… kaj ili bonvenigas novajn partoprenantojn de aliaj partoj de Kanado! Vizitu diversajn eventojn tra la lando ĉiumonate, kaj konatiĝu kun viaj samideanoj. Ni kuniĝu tra Kanado:
Viktoria Kafejo de Idejoj (Zoom)
Je la 10a horo PT, ĉiun sabaton
https://eventaservo.org/o/ViktoriaEsperanto
Vankuvero Kultura Kumziko (Zoom)
La 1a jaŭdo monate, je la 18:30a horo PT
https://eventaservo.org/o/EO-Vankuvero
Vankuvera Renkontiĝo
La 3a jaŭdo monate, je la 18:30a horo PT
https://www.meetup.com/vancouver-esperanto
Alberta Kunvenu! (Zoom)
Je la 19a horo MT, ĉiun mardon
https://eventaservo.org/o/Esperanto-Alberta
EO-Prerioj Kumziko (Zoom)
La 3a merkrede monate, je la 19a horo CT
https://eventaservo.org/o/EO-Prerioj
NOEL Ni babilu! (Zoom)
Je la 19h ET, ĉiun trian vendredon monate
https://northernesperanto.blogspot.com
Toronto Socia Kunveno
Je la 18a horo ET, la 1a merkredo monate (Loblaws Carlton St – Maple Leaf Gardens); poste restoracio je la 19h30
https://eventaservo.org/o/EO_TOR
Toronto Konversacio por komencantoj (Jitsi)
Je la 13a horo ET, ĉiun dimanĉon
https://eventaservo.org/o/EO_TOR
Kitchener-Waterloo & Hamilton – kiel Toronto, supren
Londona Neformala posttagmezo de amuzo kaj konversacio
Je la 12a horo ET, sabate (Tim’s, Wellington Rd)
https://www.meetup.com/Esperanto-London
Otava Konversacia Rondo Tutmonda (Skype)
Je la 19a horo ET, lasta ĵaŭdo ĉiumonate
https://eventaservo.org/o/Esperanto-Otavo
Montrealo Ni parolu!
Je la 18:00 ET, la dua kaj la lasta vendrede ĉiumonate (Resto VeGo, rue St-Denis)
Nov-Skotio Videkunveno (Zoom)
Je la 11a horo, AT ĉiun dimanĉon
https://eventaservo.org/o/EO_Nov-Skotio
Halifakso EO-Kafejo
Je la 14a horo, la 3an dimanĉon ĉiumonate (Ampersand Kafejo, HFX Centra Biblioteko)
https://eventaservo.org/o/EO_Nov-Skotio
= interreta evento
Reklamu vian klubon kaj Esperanton
Helpo disponeblas al lokaj kluboj, kaj materiala helpo (ekz. broŝuroj, afiŝoj, standardoj, retreklamado, flagoj, ktp) kaj nemateriala (ekz. projekta helpo, planado, informado, dezajnado, konsilado). Kontaktu Andy Blair ĉe ahblair@yahoo.com por komenci (aŭ vigligi) vian EO-klubon, aŭ por promocii Esperanton en via komunumo.
MeKaRo 2025
Otavo, la 17-19 majo
Otavaj Esperantistoj invitas vin al MeKaRo 2025, la Mez-Kanada Renkontiĝo de Esperanto.
Ĉi-jare MeKaRo okazos en la ĉefurbo de Kanado, de la 17-a ĝis la 19-a de majo. Tio okazos dum la Tulipfestivalo kiam la urbo estas plene da orĝardenoj, kiam piediri estas la plej ŝatata okupo.
Bonvolu anonci vin kiel eble plej frue al Guy Matte:
Programo:
- Sabato la 17-an: Akcepto 11:00-14-00. Restoracio Working Title, 330 Laurier Ave. Orienta. Posttagmeze: Vizito al la Eksperimenta Farmbieno. 18:00: Vespermanĝo kaj distra vespero ĉe Haltrecht-Matte.
- Dimanĉo la 18-an: Vizito ĉe la Sinagogo Templo Israel. Posttagmeze: Vizito de la tulipĝardenoj piede. Plia programo decidota depende de la nombro de partoprenantoj.
NOREK 2025
Portlando, Oregono, la 22-24 aŭgusto
Trovu informon (anglalingvan) pri la Nord-Okcidenta Regiona Esperanto-Konferenco, bone konata regiona renkontiĝo kiu okazas foje en Kanado, ĉi-foje en Usono.
Bezonata: Esperantista retprogramisto
Serĉata estas programisto kapabla krei skriptojn por Google Chrome. Ĉi tio estas por esperanto-rilata projekto por la Dulanda Kongreso, por ebligi vendadon de libroj per kunsubskribo, modifante ekzistantan komercan POS-sistemon kiu uzas Chrome retumilon. Malgranda projekto kun granda efiko: tio ebligos partoprenantojn en estontaj Kongresoj alporti siajn uzatajn EO-librojn (kaj aliajn objektojn) por vendi, kaj profiti. Ankaŭ permesos veran Bazaron dum kongresoj, kiu helpos pagi por la kongresoj. Kontrakta salajro: $40/hr. Kontaktu Andy Blair ĉe ahblair@yahoo.com.
Ĉu vi havas pensojn aŭ reagojn pri ĉi tiu informilo? Bonvolu kontakti nin pri tio: informo@esperanto.ca